Latest Post

වාර්ෂික මහ සභාව

Written By NAFSO on Tuesday, November 12, 2019 | 12:30:00 PM

ජාතික ධීවර සහයෝගිතා ව්‍යාපාරයේ වාර්ෂික මහා සභාව 23 ජගත් ධීවර දින සැමරුමෙන් අනතුරුව පැවැත්වුණි. හර්මන් කුමාර මහතා විසින් පිළිගැනීම හා අරමුණ පැහැදිලි කිරීම කළ අතර ආර්.මුරලිදරන් මහතා විසින් න්‍යාය පත‍්‍රය ඉදිරිපත් කිරීම හා අනුමැතිය ලබා ගැනීම සිදු කළේ ය. එම්.එම්.මාලනි මහත්මිය විසින් 2018 වර්ෂයේ මහා සභා වාර්තාව ඉදිරිපත් කිරීම සිදු කළ අතර සංශෝධන සහිතව එය සභා සම්මත විය. පරිපාලන ලේකම් මහතා විසින් ජාතික ධීවර සහයෝගිතා ව්‍යාපාරයේ ව්‍යවස්ථාව සංශෝධනය කිරීම හා සම්මත කිරීම සම්බන්ධයෙන් යෝජනා ඉදිරිපත් කිරීම සිදු කරන ලදී. ඉන් පසුව ගාල්ල, මන්නාරම, මාතර, යාපනය, කළුතර, කිලිනොච්චිය, මීගමුව, මුලතිව්, පුත්තලම, ති‍්‍රකුණාමලය, කුරුණෑගල, අම්පාර, පොළොන්නරුව, මඩකලපුව, සහ මීගමුව කළපු ධීවර සංවිධානය විසින් ස්වකීය දිස්ති‍්‍රක් ජයග‍්‍රණ ඉදිරිපත් කළහ.
ජාතික ධීවර සහයෝගිතා ව්‍යාපාරයේ 2019 වර්ෂයේ දී කි‍්‍රයාත්මක කළ වැඩසටහන් හා එහි තක්සේරුව හා ප‍්‍රගතිය සම්බන්ධයෙන් අදහස් ඉදිරිපත් කිරීම ප‍්‍රදීප් වනිගසූරිය මහතා විසින් සිදු කළේ ය. ජාතික ධීවර සහයෝගිතා ව්‍යාපාරයේ මූල්‍ය කළමනාකාර ශාන්ති කුමාර් මහතා විසින් වාර්ෂික විඝණන වාර්තාව ඉදිරිපත් කළ අතර ඉන්පසුව නව නිලධාරි මණ්ඩලයක් පත් කර ගන්නා ලදී. නව සභාපතිතුමාගේ මෙහෙයවීමෙන් කළමනාකරණ මණ්ඩලය සදහා සම්බන්ධිකාරකවරයෙකු හෝ සම්බන්ධිකාරකවරියක පත් කර ගැනීම සහ ජාතික කමිටු සාමාජිකයෙකු පත් කර ගැනීම සිදු කර ගන්නා ලදී. නව අදහස් හා යෝජනා ලබා ගැනීමෙන් පසු නව ලේකම්තුමියගේ ස්තූති කථාවෙන් පසුව වාර්ෂික මහ සභාව නිමා විය.

23 වන ජගත් ධීවර දින සැමරුම




ප‍්‍රජාතන්ත‍්‍රවාදී අවකාශයක ධීවර අයිතීන් ජයග‍්‍රහණය කරවමින් සාමය හා ජාතික සමගිය ගොඩනගමු යන තේමාව කෙන්ද්‍ර කොට 23 වන ජගත් ධීවර දින සැමරුම මාතර බෞද්ධ විද්‍යාලයේදී 2019 නොවැම්බර් 09 වන දින පැවැත්විණි. මේ අවස්ථාව සදහා ජාතික ධීවර සහයෝගිතා ව්‍යාපාරයේ ජාතික කැදවුම්කරු හර්මන් කුමාර මහතා ද, රුහුණු විශ්වවිද්‍යාලයේ මහාචාර්ය ඔස්කා අමරසිංහ මහතා ද, ජාතික ජන බලවේගය නියෝජනය කරමින් ශ‍්‍රී ලංකා පාර්ලිමේන්තුවේ කෝප් කමිටු සමාජික සුනිල් හදුන්හෙත්ති මහතා ද ඉඩම් හා කෘෂිකර්ම ප‍්‍රතිසංස්කරණ ව්‍යාපාරය නියෝජනය කරමින් විමුක්තිද සිල්වා ද යන අය මේ අව්සථාසව ස`දහා සහභාගි වූහ. එදින පිළිගැනීම හා අරමුණ පැහැදිලි කිරීම වසන්ත මහතා වසින් සිදු කළ අතර බෞද්ධ, කතෝලික, හින්දු සහ ඉස්ලාම් ආගමික වතාවත් සිදු කිරීමෙන් අනතුරුව පොල්තෙල් පහන දල්වා 23 ජගත් ධීවර දින සැමරුම නිල වශයෙන් ආරම්භ කිරීම සිදු විය. පිළිගැනීමේ නර්තනය මාතර දිස්ත‍්‍රික්කයේ නර්තන කණ්ඩායම විසින් සිදු කළහ. දකුණේ ධීවර සංවිධානයේ සාමාජික එන්.කමලසිරි සිල්වා මහතා විසින් ධීවර කර්මාන්තය හමුවේ ඇති අභියෝග සහ ධීවර ප‍්‍රජාවගේ අපේක්‍ෂා යන මැයෙන් දේශනයක් ඉදිරිපත් කළහ. සමාජ සංවර්ධනයේදී කාන්තා දායකත්වය පිළිබදව මඩකලපු කාන්තා දිස්ති‍්‍රක්කයේ කමිටු ලේකම් කේ. පද්මාවති මහත්මිය විසින් සිදු කළා ය. ඉන්පසුව ජාතික ධීවර සහයෝගිතා ව්‍යාපාරයේ ජාතික කැදවුම්කරු හර්මන් කුමාර මහතාගේ අදහස් දැක්වීම වෙත යොමු විය.
සුනිල් හදුන්හෙත්ති මහතගේ ආරාධිත දේශපාලන නියෝජිතයින්ගේ දේශනයෙන් පසුව සමීක්ෂණ වාර්තා ද්විත්වයක් එළිදැක්වීම සිදු විය. උතුරේ ධීවරයාට එරෙහිව බලහත්කාරීව සිදු කරන සංක‍්‍රමණික ධීවර කර්මාන්තයේ අහිතකර බලපෑම පිළිබදව සමීක්‍ෂණ වාර්තාව සහ පාරිසරික ජෛව කෘෂිකර්මාන්තය හා දේශීය ආහාර රටා පිළිබදව වැඩසටහන් වාර්තාව එළිදැක්වීම සිදු විය. කුරුණෑගල ප‍්‍රජා ශක්ති සහයෝගිතා සංසදයේ කරුණාසිංහ මහතා ගොවි මිරිදිය ධීවර ජනතාවගේ අයිතිය අහිමිවීමේ අර්බුදය සම්බන්ධයෙන් අදහස් ඉදිරිපත් කළේ ය. පසුව සිහිවටන ප‍්‍රදානය කිරීමෙන් අනතුරුව සහතික පත් ප‍්‍රදානය කළ අතර ධීවර අයිතිවාසිකම් ආරක්‍ෂා කිරීමේ පොදු කි‍්‍රයාමාර්ග සම්බන්ධයෙන් සංවාදයක් හර්මන් කුමාර මහතා විසින් මෙහෙයවන ලදී.
පරිපාලන ලේකම් මහතා විසින් රුහුණු ප‍්‍රකාශනය කියවීමෙන් පසු ස්තූතිය පුද කරමින් 23 ජගත් ධීවර දිනය මෙසේ සමාප්තිය සනිටුවන් කරන ලදී.


World Fisheries day celebration sponsored by NAFSO was held in Matara, a major city in the Sothern Province, Sri Lanka on the 9th of November 2019. There were about 600 participants for this program representing fifteen districts of Sri Lanka. Parliamentarians, senior government officers and police officers also attended this program. Professor Oska Amarasingha of University of Ruhuna and the parliamentarian Sunil Handunnetthi were the chief guests for the event. Religious leaders in Buddhisem, Christianity, Hindu and Islam attended and provided religious blessings for the function.

Prof. Oska Amarasingha, Parliamentarian Mr. Sinil Handunnetthi, NAFSO convener Mr. Herman kumara addressed the gathering and stressed the significance of the World Fisheries Day and importance of having a strong National Fisheries Policy that protects the small scale fisherman in Sri Lanka. 
Youth and children who are members of NAFSO youth movement presented several cultural events such as a colorful traditional dance to make the event more attractive.





කදුකර ජනතාවගේ ජනාධිපතිවරණ ඉල්ලීම්

Written By NAFSO on Thursday, November 07, 2019 | 1:00:00 PM

කදුකර ජනතාව ජනාධිපතිවරණ ඉල්ලීම් ඇතුලත් වාර්තාවක් ජනාධිතිවරණය අපේක්ෂකයින්ට සහ දේශපාලන පක්ෂවල දේශපාලන නියෝජිතයින් වෙත ලබා දීම 2019 ඔක්තෝම්බර් 6 වන දින සිදු කළ අතර ඒ සදහා කදුකර ජනතා ඉඩම් අයිතිය සදහා වු ව්‍යාපාරයේ නියෝජිතයින් එක් වූහ.

23 වන ජගත් ධීවර දින සැමරුමට දිස්ත‍්‍රික්වල සූදානම

යාපනය දිස්ත‍්‍රික්කයේ සූදානම
මාතර දිස්ත‍්‍රික්කයේ සූදානම
අම්පාර දිස්ත‍්‍රික්කයේ සූදානම
මන්නාරම දිස්ත‍්‍රික්කයේ සූදානම

NAFSO




NAFSO Convenersdiary




WOMEN




YOUTH




LAND




ACN




IDP




PPD




SRIVIMUKTHI




www.nafsojurney.blogspot.com

 
Support : Creating Website | Johny Template | Mas Template
Copyright © 2013. NAFSO: Towards a Fisher People's Movement - All Rights Reserved
Template Created by Creating Website Published by Mas Template
Proudly powered by Blogger